एक प्रवास मैत्रीचा
जश्या हळूवार पावसाच्या सरींचा...!
ती पावसाची सर अलगद येउन जावी
अन सुंदरशी एक संध्याकाळ हळूच खुलून यावी...!!
एक प्रवास सहवासाचा
जणू अलगद पडणाऱ्या गारांचा...!
न बोलताही बरच काही सांगणारा
अन स्पर्श न करताही मनाला भिडणारा...!!
एक प्रवास शुन्याचा
जणू हिमालायाशी भिडण्याचा...!
शुन्यातून नवे जग साकारणारा
अन नव्या निर्मितीचा चाहुल देणारा...!!
एक प्रवास जगण्याचा
क्षणा क्षणाला माणूस घडवण्याचा...!
हसता हसता रडवणारा
अन रडवुन हळूच हसवणारा...!!
एक प्रवास प्रेमाचा
भुरभुरणाऱ्या दोन जिवांचा...!
जिंकलो तर संसार मांडायचा
अन हरलो तर नवीन वाटा शोधायचा...!!
एक प्रवास प्रयत्नांचा
सुख दुखातील नाजुक क्षणांचा...!
अखंड घडवणाऱ्या माणुसकीचा
अन नवी उमेद देणाऱ्या घडींचा...!!
एक प्रवास
तुमच्या आमच्या आवडीचा...!
साठवू म्हटले तर साठवणीचा
आठवू म्हटले तर आठवणीचा ...!!
तुमच्या आमच्या आवडीचा...!
साठवू म्हटले तर साठवणीचा
आठवू म्हटले तर आठवणीचा ...!!
इथे हळूच येउन विसावलाय .....एक प्रवास!!!
---- डॉ.कल्पेश पाटील.
No comments:
Post a Comment